7377. Sed illi in his amoribus non sunt qui aspirant ad honores non propter se sed propter patriam; et qui aspirant ad opes non propter opes sed propter necessitates vitae et suae et suorum, tum {1} propter usum bonum, propter quem (t)opulentia delectat; {2}honores et opes apud hos sunt media benefaciendi. @1 i qui$ @2 After hos$ {1}CAPUT VIII @1 In AV the division of chapters is made at vii 26$ 1. Et dixit JEHOVAH ad Moschen, Dic ad Aharonem, Extende manum tuam baculo tuo, super flumina, super fluvios, et super stagna, et fac ascendere ranas super terram Aegypti. 2. Et extendit Aharon manum suam super aquas Aegypti, et ascendit rana, et obtexit terram Aegypti. 3. Et fecerunt ita magi Aegypti incantationibus suis, et ascendere fecerunt ranas super terram Aegypti. 4. Et vocavit Pharao Moschen et Aharonem, et dixit, Supplicate ad JEHOVAM, et removeat ranas a me, et a populo meo, et dimittam populum, et sacrificent JEHOVAE. 5. Et dixit Moscheh ad Pharaonem, Honorem habe super me, quousque supplicabo tibi, et servis tuis, et populo tuo, ad exscindendum ranas a te, et a domibus tuis; tantum in fluvio supererunt. 6. Et dixit, Ad crastinum; et dixit, Secundum verbum tuum, propterea ut scias quod nullus sicut JEHOVAH DEUS noster. 7. Et removebuntur ranae a te, et a domibus tuis, et a servis tuis, et a populo tuo; tantum in fluvio supererunt. 8. Et exivit Moscheh et Aharon a cum Pharaone, et clamavit Moscheh ad JEHOVAM super verbo ranarum quas imposuit Pharaoni. 9. Et fecit JEHOVAH secundum verbum Moschis; et mortuae sunt ranae e (x)domibus, ex atriis, et ex agris. 10. Et congregaverunt {1}illos acervis acervis; et putuit terra. @1 illas I$ 11. Et vidit Pharaoh quod facta respiratio, et aggravavit cor suum, et non audivit ad illos, quemadmodum locutus JEHOVAH. 12. Et dixit JEHOVAH ad Moschen, Dic ad Aharonem, Extende baculum tuum, et percute pulverem terrae, et erit in pediculos in omni terra Aegypti. 13. Et fecerunt ita, et extendit Aharon manum suam baculo suo, et percussit pulverem terrae, et fuit pediculus in homine et in bestia; omnis pulvis terrae factus est pediculus in tota terra Aegypti. 14. Et fecerunt ita magi incantationibus suis ad educendum pediculos, et non potuerunt; et fuit pediculus in homine et in bestia. 15. Et dixerunt magi ad Pharaonem, Digitus DEI hoc; et obfirmatum cor Pharaonis, et non audivit ad illos, quemadmodum locutus JEHOVAH. 16. Et dixit JEHOVAH ad Moschen, Surge mane in matutino, et consistas coram Pharaone, ecce egreditur ad aquas, et dicas ad illum, ita dicit JEHOVAH, Mitte populum Meum, et serviant Mihi. 17. Quia si haud tu dimittis populum Meum, ecce Ego immitto in te, et in servos tuos, et in populum tuum, et in domos tuas, volatile noxium; et implebuntur domus Aegyptiorum volatili noxio, et etiam terra super qua illa. 18. Et distinguam in die illo terram Goschen, super qua populus Meus stat, ut non esse ibi volatile noxium, propterea ut scias quod Ego JEHOVAH in medio terrae. 19. Et ponam redemptionem inter populum Meum et inter populum tuum; ad cras erit signum hoc. 20. Et fecit JEHOVAH ita, et venit volatile noxium (x) grave domum Pharaonis, et domum servorum illius, et in omnem terram Aegypti; perdebatur terra a coram volatili noxio. 21. Et vocavit Pharao Moschen et Aharonem, et dixit, Ite, sacrificate DEO vestro in terra. 22. Et dixit Moscheh, Non consultum facere ita, quia abominationem Aegyptiorum sacrificaremus JEHOVAE DEO nostro; ecce sacrificaremus abominationem Aegyptiorum ad oculos illorum, nonne lapidabunt nos? 23. Viam trium dierum ibimus in desertum, et sacrificabimus JEHOVAE DEO nostro, quemadmodum dixit ad nos. 24. Et dixit Pharao, Ego dimittam vos, et sacrificetis JEHOVAE DEO vestro in deserto, tantum elongando non elongetis vos ad eundum; supplicate pro me. 25. Et dixit Moscheh, Ecce ego egredior a cum te, et supplicabo ad JEHOVAM, et removeat volatile noxium a Pharaone, a servis illius, et a populo illius, cras; tantum ne addat Pharao illudere, quo minus dimittat populum ad sacrificandum JEHOVAE. 26. Et egressus Moscheh a cum Pharaone, et supplicavit ad JEHOVAM. 27. Et fecit JEHOVAH secundum verbum Moschis, et removit volatile noxium a Pharaone, a servis (x)illius, et a populo illius; non relictum unum. 28. Et aggravavit Pharao cor suum etiam vice hac, et non dimisit populum.