Continuatur in hoc capite in sensu interno de vastatione illorum qui in falsis sunt et probos infestant in altera vita: {1}duo primi gradus vastationis descripti sunt in praecedente capite, tum quoque tertius gradus quoad partem, qui erat ut non nisi quam ex meris falsis ratiocinarentur; ratiocinationes ex meris falsis significantur per ranas; de his continuatur in hoc capite; et dein agitur de quarto et quinto gradu vastationis illorum qui in falsis sunt et infestant probos altera vita; quartus gradus est quod essent in malis quae omne bonum apud illos perderent, etiam quicquid illas esset ex bono naturali; haec significantur per pediculos ex pulvere terrae; quintus gradus est quod in falsis ex malis illis essent, per quae perderetur omne verum; haec significantur per volatile noxium. @1 primus et secundus$