2962. Vers. 16. Et audivit Abraham ad Ephronem, et appendit Abraham Ephroni argentum, quod locutus in auribus filiorum Heth, quadringentos siclos argenti, transeuntis mercatori. `Audivit Abraham ad Ephronem' significat confirmationem ad oboediendum: `et appendit Abraham Ephroni argentum' significat redemptionem: `quod locutus in auribus filiorum Heth' significat secundum facultatem illorum qui a nova Ecclesia: `quadringentos siclos argenti' significat redemptionis pretium: `transeuntis mercatori' significat applicate ad illorum statum.