2961. `Et mortuum tuum sepeli': quod significet emersionem e nocte et resuscitationem inde, constat a significatione `mortui' quod sit nox quoad vera fidei, et `sepeliri' quod sit resuscitari, de qua aliquoties prius, videatur n. 2917, 2923, 2925, 2931, 2948, 2955: quod haec toties in hoc capite dicantur, causa est quia de emersione e nocte quoad vera fidei, et resuscitatione, hoc est, de reformatione et regeneratione Ecclesiae spiritualis, agitur.