10482. Vers. 26-29. Et stetit Moscheh in porta castrorum, et dixit, Quis Jehovae, ad me; et congregati sunt ad illum omnes filii Levi. Et dixit illis, Ita dicit Jehovah Deus Israelis, Ponite quisque gladium [suum] super femur suum, transite et redite a porta ad portam in castris, et occidite vir fratrem suum, et vir socium suum, et vir propinquum suum. Et fecerunt filii Levi secundum verbum Moschis; et cecidit ex populo in die illo ad tria milia virorum. Et dixit Moscheh, Implete manum vestram hodie Jehovae, quia vir in filium suum, et in fratrem suum, et ad dandum super vos hodie benedictionem. {1} `Et stetit Moscheh in porta castrorum significat ubi apertura ad infernum: `et dixit, Quis Jehovae, ad me' significat qui in externis sunt ab interno: `et congregati sunt ad illum Omnes filii Levi' significat qui in veris ex bono: `et dixit ad illos' significat exhortationem: `Ita dicit Jehovah Deus Israelis' significat a Domino: [`Ponite quisque gladium suum super femur' significat verum ex bono pugnans contra falsum ex malo:] `transite et redite a porta ad portam in castris' significat ubicumque aliquid apertum ab interno in externum: `et occidite vir fratrem suum, et vir socium suum, et vir Propinquum suum' significat occlusionem quoad influxum boni et veri, ac affinium illis, ne sit aliqua receptio et communicatio: `et fecerunt filii Levi secundum verbum Moschis' significat effectum ab illis qui in veris ex bono: `et cecidit in populo in die illo ad tria milia virorum' significat occlusionem interni plenariam; `et dixit Moscheh, Implete manum vestram hodie Jehovae' significat communicativum et receptivum Divini Veri in caelis: `quia vir in filium Suum, et in fratrem Suum' significat quando occlusum est internum, ne verum et bonum e caelo intrent in externum: `ad dandum super vos hodie benedictionem' significat receptionem Divini Veri ex Verbo, et per id conjunctionem cum Domino. @1 See p. ix preliminary note 2. 26. Et stetit Moscheh in porta castrorum, significat prope ad externum quod religiosi illius: et dixit, quis Jehovae ad me, significat qui non separat Divinum internum ab externo: et congregati sunt ad illum omnes filii Levi, significat qui in veris ex bono. 27. Et dixit ad illos, significat exhortationem: ita dixit Jehovah Deus Israelis, significat a Domino: ponite quisque gladium suum super femur suum, significat Divinum Verum ex bono pugnans contra falsum mali: transite et redite a porta ad portam in castris, significat apud totam illam gentem quae in solis externis ex jucundo amoris sui et mundi: et occidite vir fratrem suum, et vir socium suum, et vir propinquum suum, significat occlusionem plenariam interni, quoad bonum et quoad verum, et quae affinia, ne intret in alia vita et prophanetur. 28. Et fecerunt filii Levi secundum Verbum Moschis, significat effectum ab illis qui in veris ex bono: et cecidit ex populo in die illo ad tria millia, significat occlusionem et sic remotionem plenariam. 29. Et dixit Moscheh, significat perceptionem: implete manum vestram hodie Jehovae, significat copiam recipiendi Divinum Verum usque inde: quia vir in filium suum et in fratrem suum, significat communicationem veri et boni inde: et ad dandum super os hodie benedictionem, significat sic in conjunctione cum Domino.$