10075. `Et armum dextrum': quod significet bonum intimum, constat ex significatione `armi (o)dextri' quod sit bonum intimum; quod `armus dexter' sit bonum intimum, est quia armi animalium idem significant cum lumbis et femoribus apud hominem, ac lumbi et femora apud hominem significant amorem conjugialem, ac inde bonum amoris caelestis, quod bonum est bonum intimi caeli, videatur n. 3021, 4277, 4280, 4575, 5050-5062, 9961, ac lumbus dexter et femur dextrum bonum intimum ibi; nam quae a dextris hominis sunt, ex correspondentia significant bonum ex quo verum, et quae a sinistris ejus verum per quod bonum; et inde quae in medio sunt significant conjunctionem utriusque, seu boni et veri. Inde (o)quoque constare potest quod armi sint partes posteriores animalis, ubi genitalia eorum, non autem partes anteriores, nam hae vocantur pectus. Quia `armus dexter' significat bonum intimum seu bonum caeleste, ideo cum sublatus est e sacrificio, et datur {1} Aharoni, vocatur unctio ejus et filiorum ejus, apud Moschen, Armum dextrum dabitis sublationem sacerdoti de sacrificiis eucharisticis vestris; pectus motitationis, et armum sublationis accepi a cum filiis Israelis de sacrificiis eucharisticis eorum; dedi ea Aharoni sacerdoti, et filiis ejus in statutum saeculi; haec unctio Aharoni et unctio filiorum ejus de ignitis Jehovae, Lev. vii 32, 34, 35;