10039. `Peccatum hoc': quod significet sic purificatum a malis et falsis, constat ex significatione `peccati' cum per id intelligitur sacrificium, quod sit purificatio a malis et falsis; in lingua enim originali per peccatum, ubi agitur de sacrificiis, intelligitur sacrificium pro peccato; et per sacrificium significatur purificatio a malis et falsis, n. 9993, 9991; quod sacrificium pro peccato (o)in Verbo dicatur `peccatum,' videatur Lev. iv 3, 8, 14, 20, 21, 24, 25, 29, 33, 34, v 6, 8, 9, vi 10, 18, 19, 23 [A.V. 17, 25, 26, 30], et alibi.