12. Tunc ajebant angeli, `Nos {1} sumus e coelo electi ad instruendum novos advenas e terris mundi naturalis, quoniam omnes qui huc inde appellunt, in fide fatuitatum sunt de coelo, imo etiam de salute; quare nisi fatuitates illae dissipantur, quod fit per instructiones, occluderetur illis rationale, quod supra memoriam ex receptione lucis coelestis est, et sapit, quo occluso ab hominibus fierent animalia, cum solo discrimine quod possent ex sensibus externis cogitare, et ex hac sola cogitatione loqui.' @1 nos J(c) T; non J$