9941. Vers. 39, 40. 'Et tesselabis tunicam byssi' et facies cidarim byssi, et balteum facies opere acupictoris. Et filiis Aharonis facies tunicas, et facies illis balteos, et tiaras facies illis ad gloriam et ad decus. `Et tesselabis tunicam byssi' significat intima regni spiritualis procedentia ex veris amoris caelestis: `et facies cidarim byssi' significat sapientiam ibi: `et {1}balteum' significat vinculum, et separationem ab {2}externis illius regni: `facies opere acupictoris' significat per cognitiones boni et veri: `et filiis Aharonis' significat Divina Vera ex Divino Bono Domini procedentia in caelis: `facies tunicas' significat illa quae fidei ibi: `et facies illis balteos' significat continentiam in nexu: `et tiaras facies illis' significat intelligentiam ibi: `ad gloriam et ad decus' significat verum Ecclesiae spiritualis. @1 baltheos IT$ @2 extremis T$