quod illi qui in caelesti Domini regno {3} tales sint, videatur n. 2715, 2718, 3246, 4448, 5113, 6367, 7877, 9166 fin., 9543; quae differentia sit inter illos qui in caelesti regno et inter illos qui in regno spirituali, videantur loca citata n. 9277; ex his nunc constare potest quid intelligitur per quod Divina Vera inscripta sint. {4}Multis in locis in Verbo dicitur spiritus, et cum de homine, per 2 {5}spiritum ejus significatur bonum et verum inscriptum parti intellectuali, proinde hujus vita; quod spiritus cum praedicatur de homine, id sit, est quia homo quoad interiora sua est spiritus, {6}etiam quoad interiora una cum spiritibus; de qua re videantur quae prius copiose ostensa sunt, nempe, quod spiritus et angeli sint apud hominem, et quod homo {7}regatur per eos a Domino, n. 50, 697, 986, 2796, 2886, 2887, 4047, 4048, 5846-5866, 5976-5993, quod homo sit inter spiritus et angelos tales, qualis ipse est, n. 4067, 4073, 4077, 4111, quod unicuique homini sit spiritus, per quem vita ejus corpori, n. (x)4622. Inde {8}sciri potest quid per spiritum cum de Domino, intelligitur, 3 quod nempe sit Divinum Verum procedens a Divino Bono Ipsius et quod hoc Divinum cum influit apud hominem, et recipitur ab illo sit {9}Spiritus veritatis, Spiritus Dei, et Spiritus sanctus, influit enim immediate a Domino, et quoque mediate per angelos et spiritus videantur citata n. 9682; quod {9}Spiritus veritatis, Spiritus Dei, et Spiritus sanctus id sit, videbitur in sequentibus; primo enim ostendendum est quod spiritus in Verbo cum de homine, sit bonum et verum inscriptum ejus parti intellectuali, proinde quod sit hujus vita; est enim vita partis intellectualis, et vita partis voluntariae; vita partis intellectualis est scire, videre, et intelligere verum esse verum, et bonum esse bonum; vita autem partis voluntariae est velle et amare verum propter verum, et bonum propter bonum; haec vita in Verbo vocatur cor, illa autem spiritus. 4 Quod ita sit, constat a locis in Verbo quae sequuntur: apud Ezechielem, Facite vobis cor novum, et spiritum novum; quare moriemini domus Israelis? xviii 31:

et apud eundem, Dabo vobis cor novum, et spiritum novum dabo in medio vestri: xxxvi 26;

`cor novum' pro nova voluntate, et `spiritus novus' pro novo intellectu apud Sachariam, Jehovah extendit caelos, et fundat terram, et format spiritum hominis in medio ejus, xii 1;

`extendere caelos et fundare terram' pro novam Ecclesiam; quod {10}haec sit caelum et terra, videatur n. 1733, 1850, 2117, 2118, fin., 3355 fin.; 4535; 'formare spiritum hominis in medio ejus' pro regenerare quoad 5 intellectum veri et boni: apud Davidem, Cor mundum crea mihi, Deus, et spiritum firmum innova in medio mei: ne abjice me a coram Te, et spiritum sanctitatis Tuae ne aufer a me; reduc mihi gaudium salutis Tuae; et spiritus ingenuus sustentet me: sacrificia Dei spiritus infractus; cor infractum et contritum Deus non {11}spernit, Ps. li 12-14, 19 [A. V. 10-12, 17];

`cor mundum' pro voluntate aversante {12}mala, quae sunt immunda, `spiritus firmus' pro intellectu et fide veri, `spiritus infractus et cor infractum' pro {13}tentationis statu et inde humiliatione utriusque vitae; quod `spiritus' sit vita, ex singulis ibi patet; Divinum Verum, ex quo illa vita, est `Spiritus sanctitatis' apud eundem, Generatio, non rectum {14}fecit cor ejus, nec constans cum Deo spiritus ejus, Ps. lxxviii 8;

`non rectum cor' pro quod non recta voluntas, `non constans spiritus cum Deo' pro quod non constans intellectus et fides veri Divini: apud Moschen, 6 Aggravaverat Jehovah Deus spiritum Sichonis regis Chesbonis, et obfirmaverat cor ejus, Deut. ii 30;

ibi etiam `spiritus' et `cor' pro utraque vita, quae `obfirmata' dicitur, cum nulla voluntas intelligendi verum et bonum est, nec faciendi illa: apud Ezechielem, Liquescet omne cor, et remittentur omnes manus, et contrahetur omnis spiritus, xxi (x)12 [A.V. 7];

similiter: apud Esaiam, Jehovah dans animam populo super terra, et spiritum ambulantibus in ea, xlii 5;

`dare animam populo' pro vitam fidei; quod `anima' sit vita fidei, videatur n. 9050, et `dare spiritum' pro intellectum veri: apud eundem, Anima mea desideravi Te in nocte; etiam spiritu meo in medio mei exspectavi Te mane, xxvi 9;

similiter: apud eundem, 7 Concipite quisquilias, parite stipulam, spiritum vestrum ignis comedet, xxxiii (x)11;

`spiritus quem ignis {15}comedet' pro intellectu veri, ita pro intelligentia, `ignis' pro concupiscentia, quae quia ex malo, destruit: apud Ezechielem, Vae prophetis stultis, qui abeunt post spiritum suum! xiii 3:

apud eundem, Quod ascendit super spiritum vestrum, non fiet unquam, xx 32:

apud Malachiam, Non fecit unus et reliqui quibus spiritus, quid ergo unus, quaerens (x)semen Dei; quare observate vos per spiritum vestrum, ut contra uxorem juventutis Tuae non agat perfide, ii 15:

apud Davidem, Beatus homo cui non imputat Jehovah iniquitatem modo non in spiritu ejus dolus, ps xxxii 2:

apud Matthaeum, Beati pauperes spiritu, quia eorum est regnum caelorum, v 3:

apud eundem, Jesus ad discipulos, Vigilate et orate ne ingrediamini in tentationem; quidem spiritus promptus est, caro vero infirma, xxvi 41. 8 Quod in his locis per `spiritum' ipsa vita hominis intelligatur, {16}manifeste patet; quod vita intellectualis, seu vita veri, constare potest ex eo quod per 'spiritum' in naturali sensu intelligatur vita respirationis hominis; et respiratio, quae est pulmonum, correspondet vitae veri, quae est vita {17}fidei et inde intellectus, dum pulsus, qui est cordis, correspondet vitae voluntatis, ita amoris; quod illa correspondentia pulmonum et cordis sit, videatur n. 3635, 3883-3896, 9300, (x)9495; inde constare potest quae vita in spirituali sensu intelligitur per `spiritum.' 9 Quod `spiritus' in (x)communi sensu sit vita respirationis hominis, {18}evidenter patet apud Davidem, Abscondis facies Tuas, conturbantur; colligis spiritum eorum, exspirant: emittis spiritum Tuum, creantur, Ps. civ 29, 30:

apud eundem, Responde mihi, Jehovah, consumptus est spiritus meus, ne absconde facies Tuas a me, Ps. cxliii 7:

apud Hiobum, Spiritus meus consumptus est, dies mei sunt exstincti, xvii 1:

apud Lucam, Jesus apprehendens manum puellae mortuae, dicens, Puella surge; reversus itaque est spiritus ejus, et surrexit extemplo, vii 54, 55:

apud Jeremiam, Stultus factus omnis homo scientia, mendacium sculptile ejus, neque spiritus in eo, x, 14, li 17:

apud Ezechielem, Eduxit me in spiritu Jehovae, et collocavit me in medio vallis; et ibi dixit Dominus Jehovih ossibus aridis, Ecce Ego adducens spiritum in vos ut vivatis: sic dixit Dominus Jehovih, A quattuor ventis veni, spiritus, et inspira in occisos hos; et venit in eos spiritus, et revixerunt, xxxvii [1,] 5, 9, 10:

in Apocalypsi, Duo testes occisi a bestia ascendente ex abysso; sed post tres dies et dimidium spiritus vitae a Deo intravit in illos, ut consisterent super pedes suos, xi 7, 11;

ex his locis manifeste patet quod `spiritus' {19} sit vita hominis: quod in 10 specie sit vita veri, quae est vita partis intellectualis in homine, et vocatur intelligentia, {20}liquet apud Johannem, Venit hora et nunc est quando veri adoratores adorabunt Patrem in spiritu et veritate: Spiritus Deus est, ideo eos qui adorant Ipsum, in spiritu et veritate oportet adorare, iv 23, 24:

apud Danielem, Quod in eo esset spiritus excellens, et scientiae et intelligentiae, v 12, 14:

apud Lucam, Johannes crevit, et corroboratus est spiritu, i 80:

et de Domino {21}, Jesus puer crevit, et corroboratus est spiritu, et impletus sapientia, ii 40:

apud Johannem, Quem Pater misit, verba Dei loquitur, non enim ex mensura dedit Deus Ei spiritum, iii 34;

hic `spiritus' pro intelligentia et sapientia, `verba Dei loqui' est Divina Vera. Ex his nunc patet quid per `spiritum' significatur apud Johannem, 11 Jesus dixit Nicodemo, Nisi quis generatus fuerit ex aqua et spiritu, non potest ingredi in regnum Dei; quod natum est ex carne caro (x)est, sed quod generatum est a spiritu spiritus est, iii 5, 6;

`generari ex aqua' est per verum, et `generari ex spiritu' est inde vita ex Domino, quae vita spiritualis vocatur; quod `aqua' sit verum, per quod regeneratio, videatur n. 2702, 3058, 3424, 4976, 5668, 8568, 9323, `caro' autem est proprium hominis, in quo nihil vitae spiritualis, n. 3813, 8409. 12 Simile per `spiritum' et `carnem' significatur apud eundem, Spiritus est qui vivificat, caro non prodest quicquam; verba quae Ego loquor vobis, spiritus sunt et vita sunt, vi 63;

`verba quae Dominus locutus est' sunt Divina Vera, vita inde est `spiritus': apud Esaiam, Aegyptus homo, non Deus, et equi ejus caro et non spiritus, xxxi 3;

`Aegyptus' pro scientia in communi, `equi ejus' pro scientifico ex intellectuali, quod dicitur `caro et non spiritus' cum nihil vitae spiritualis inest; quod `Aegyptus' sit scientia, videantur citata n. 9340, 9391, quod `equi' sint intellectuale, n. 2761, 2762, 3217, 5321, et quod `equi Aegypti' sint scientifica ex intellectuali, n. 6125, 8146, 8148; qui non scit quid Aegyptus, quid equi ejus, tum quid caro et spiritus, nusquam scire potest quid illa verba involvunt. 13 Cum notum est quid significat `spiritus' {22} apud hominem, sciri potest quid significatur per `spiritum' cum dicitur de Jehovah seu Domino, {23}Cui tribuuntur omnia quae homini, sicut facies, oculi, aures, bracchia, manus, ut et cor, anima; ita quoque Spiritus, qui in Verbo vocatur Spiritus Dei, Spiritus Jehovae, Spiritus oris Ipsius, Spiritus sanctitatis seu Spiritus sanctus; quod per illum intelligatur Divinum Verum procedens a Domino, constat ex pluribus in Verbo locis; causa quod Divinum Verum procedens a Domino per `Spiritum Dei' significetur, est quia omnis vita hominis inde est, ac vita caelestis illis qui Divinum illud Verum fide et amore recipiunt; quod id sit `Spiritus Dei,' Dominus Ipse docet apud Johannem, Verba quae Ego loquor vobis, spiritus sunt et vita sunt, vi 63;

`verba quae Dominus locutus est' {24}sunt Divina Vera: apud eundem,14 Jesus magna voce clamavit, dicens, Si quis sitiverit, venito ad Me et bibito; quisquis credit in Me, sicut dixit Scriptura, flumina e ventre illius fluent aquae viventis; hoc dixit de Spiritu, quem accepturi erant credentes in Ipsum; nondum enim erat Spiritus sanctus, quia Jesus nondum glorificatus erat, vii 37-39;

quod per Spiritum, quem recepturi a Domino credentes in Ipsum, intelligatur vita quae a Domino quae est vita fidei et amoris, patet a singulis ibi; 'sitire' enim et `bibere' significat desiderium sciendi et percipiendi verum, `flumina aquae viventis quae ex ventre fluent' {25} sunt vera Divina; inde {26}constat quod `spiritus, quem accepturi qui etiam vocatur `Spiritus sanctus,' sit vita ex Divino Vero procedente a Domino, quae vita vocatur, ut mox dictum est, vita fidei et amoris, estque ipsa vita spiritualis et caelestis apud hominem; quod dicatur quod Spiritus sanctus nondum esset, quia Jesus nondum glorificatus, est quia Dominus cum in mundo fuit, docuit ipse Divinum Verum, at cum glorificatus, quod fuit post resurrectionem, docuit illud per angelos et spiritus; sanctum illud quod procedit a Domino, (c)ac influit per angelos et spiritus apud hominem, sive manifeste sive non manifeste, est ibi Spiritu sanctus; Divinum enim Verum procedens a Domino (x)est quod vocatur `sanctum' in Verbo, n. 9680; inde est quod spiritus 15 sanctus dicatur Spiritus veritatis, et quod ducturus in omnem veritatem, et quod non locuturus sit a se, sed quae audiverit a Domino, et quod a Domino accepturus sit quae annuntiaturus esset, Joh. xvi 1 3, 14; tum quod Dominus cum abiret a discipulis, inspiraverit in illos, et dixerit, Accipite Spiritum sanctum, Joh. xx 21, 22; {27}respiratio significat vitam fidei, n. 9229, 9281; inde inspiratio Domini, donatam facultatem percipiendi Divina Vera, et sic recipiendi illam vitam; unde quoque nomen Spiritus a (x)flatu et a vento, quia a respiratione, quapropter spiritus aliquoties vocatur ventus; quod respiratio, quae pulmonum, correspondeat vitae fidei, et pulsus qui cordis vitae amoris, videatur 16 n. 3883-3896, 9300, (x)9495; simile per inspirationem significatur in Libro Geneseos, Et Jehovah inspiravit in nares hominis animam vitarum, ii 7;

inde Dominus (m)dicitur Spiritus narium nostrarum, Threni iv (x)20; et quia Divinum Verum consumit et vastat malos, {28}(x)inde dicitur apud Davidem, Revelata sunt fundamenta orbis a flatu spiritus nasi Tui, Ps. xviii 16 [A.V. 15]:

{29}et apud Hiobum, Ab halitu Dei pereunt, et a Spiritu nasi Ipsius consumuntur, iv 9:(n) apud Davidem, Per Verbum Jehovae caeli facti sunt, et per Spiritum oris Ipsius omnis exercitus illorum, Ps. xxxiii 6;

`Verbum Jehovae' est Divinum Verum, similiter `Spiritus oris Ipsius': quod id sit Dominus, constat apud Johannem, In principio erat Verbum, et Verbum erat apud Deum, et Deus erat Verbum; omnia per Ipsum facta sunt: et Verbum caro factum est, et habitavit inter nos, i 1-3, 14. 17 Quod Divinum Verum, a quo vita caelestis {30}homini, sit Spiritus sanctus, patet etiam a sequentibus his locis: apud Esaiam, Exibit virga de trunco (x)Jischaji, quiescet super Eo Spiritus Jehovae, Spiritus sapientiae et intelligentiae, Spiritus consilii et virtutis, Spiritus scientiae et timoris Jehovae, xi 1, 2;

dicuntur illa de Domino, in Quo Divinum Verum; {31}proinde Divina Sapientia et Intelligentia vocatur `Spiritus Jehovae,' {32}et hic 'Spiritus sapientiae et intelligentiae, consilii, virtutis, et scientiae' {33}: apud eundem, Dedi Spiritum Meum super Illum; judicium gentibus proferet; xlii 1;

ibi etiam de Domino; `Spiritus Jehovae super illo' est Divinum Verum proinde Divina Sapientia et Intelligentia; Divinum (t)Verum etiam 18 vocatur judicium, n. 2235 apud eundem, Venturus sicut flumen angustum, Spiritus Jehovae signum inferet in Ipsum, lix 19:

apud eundem, Spiritus Domini Jehovih super Me, ideo unxit Me Jehovah ad evangelizandum pauperibus, lxi 1;

ibi etiam de Domino, {34} Divinum Verum quod in Domino cum in mundo, et quod Ipse tunc fuit, est `Spiritus Jehovae.' Quod `Spiritus Jehovae' sit Divinum Verum, et inde vita caelestis 19 homini qui illud recipit, patet adhuc ex his locis: apud Esaiam, Donec effundetur super (x)nos Spiritus ex alto; tunc desertum erit in arvum, habitabit tunc in deserto judicium, xxxii 15, 16;

agitur ibi de regeneratione; `Spiritus ex alto' est vita a Divino, nam quod `desertum erit in arvum' et quod {35}judicium habitabit in deserto' significat intelligentiam ubi nulla prius, ita vitam novam: similiter apud 20 Ezechielem, Ut cognoscatis quod daturus Spiritum Meum in vobis ut vivatis, xxxvii 14:

apud eundem, Tunc non abscondam amplius facies Meas ab illis, quia effundam Spiritum Meum super domum Israelis, xxxix 29:

apud Joelem, Effundam Spiritum Meum super omnem carnem, et super servos, et super ancillas, in diebus illis effundam Spiritum Meum, iii 1, 2 [A.V. ii 28, 29]:

apud Micham, Ego impletus sum virtute cum Spiritu Jehovae, et judicio et robore ad annuntiandum Jacobo praevaricationem, et Israeli peccatum ejus, iii 8:

apud Sachariam, Equi exuentes in terram (x)septentrionis, quiescere fecerunt Spiritum Meum in (x)terra septentrionis, vi 8:

apud Esaiam, Effundam aquas super sitientem, et rivulos super aridam; effundam Spiritum Meum super semen tuum, xliv 3;

quod in his locis `Spiritus Jehovae' sit Divinum Verum, et per id vita fidei et amoris, patet; quod id immediate a Domino, et mediate per 21 spiritus et angelos ab Ipso influat, videatur n. 9682 fin.: similiter alibi apud Esaiam, In die illo erit Jehovah Zebaoth in coronam ornatus, et in cidarim decoris reliquis populi sui, et in Spiritum judicii sedent super judicio, et in fortitudinem iis, (x)xviii 5, 6;

'corona ornatus' pro sapientia quae boni, `cidaris decoris' pro intelligentia quae veri, `Spiritus judicii' pro Divino Vero, nam `judicium' praedicatur de vero, n. 2235, 6397, 7206, 8685, 8695, 9260, 9383:

22 apud eundem, Angelus facierum Jehovae liberavit eos, ob amorem Suum et clementiam Suam hic redemit illos; illi tamen rebellarunt, et exacerbarunt Spiritum sanctitatis Ipsius, inde conversus est illis in hostem. Posuit in medio ejus Spirituali sanctitatis Suae; Spiritus Jehovae duxit eum, (x)lxiii 9-11, 14;

`Spiritus sanctitatis' ibi est Dominus quoad Divinum Verum, ita Divinum Verum quod a Domino, `angelus {36} facierum' est Dominus quoad Divinum Bonum, nam `facies Jehovae' est amor, misericordia, bonum: {37} in Apocalypsi, Testimonium Jesu est Spiritus prophetiae, xix 10;

`Testimonium Jesu' est Divinum Verum quod ab Ipso et de Ipso, 23 n. 9503 apud (x)Davidem, Jehovah Deus facit angelos Suos Spiritus, et ministros ignem (x)flammantem, Ps. civ (x)4;

`facere angelos spiritus' pro receptiones Divini Veri, `facere illos ignem flammantem' pro receptiones Divini Boni seu Divini Amoris: apud Matthaeum, Johannes dixit, Ego vos baptizo aqua in paenitentiam; qui vero post me venturus, ille vos baptizabit Spiritu sancto et igne, iii 11;

`baptizare' est regenerare, `Spiritu sancto' est per Divinum Verum, et {38}'igne' est {39}ex Divino Bono Divini Amoris; quod `baptizare' sit regenerare, videatur n. 5120 fin., (x)9088, et quod `ignis' sit Divinum Bonum Divini Amoris, n. 4906, 5215, 6314, 6832, 6834, 6849, 7324:

apud Lucam, 24 Si vos pravi existentes scitis bona dona dare liberis vestris, quanto magis Pater Qui in caelo, dabit Spiritum sanctum petentibus Ipsum? xi 13;

`dare Spiritum sanctum' est illustrare Divino Vero, et donare vita inde, quae est vita intelligentiae et sapientiae: in Apocalypsi, Septem lampades ignis ardentes coram throno sunt septem spiritus Dei, iv 5:

et porro, In medio seniorum Agnus stans, habens cornua septem, et oculos septem, qui sunt septem Dei spiritus emissi in omnem terram, v 6;

quod `spiritus' ibi non sint spiritus, {40}patet ex eo quod lampades et oculi Agni dicantur spiritus Dei; `lampades' enim sunt Divina Vera, n. (t)4638, 7072, {41}'oculi' sunt intellectus veri, et cum de Domino, Divina Intelligentia et Sapientia, n. 2701, 4403-4421, 4523-4534, 9051; {42}'cornua' sunt potentia veri ex bono, n. 2832, 9081, 9719-9721; inde patet quod `Spiritus Dei' {43} significent Divina Vera. Cum itaque notum est quod Spiritus sanctus sit Divinum Verum 25 procedens a Domino, quod est ipsum Sanctum, sciri potest sensus Verbi Divinus ubicumque `Spiritus Dei' et `Spiritus sanctus' nominatur, ut in sequentibus his locis: apud Johannem, Ego rogabo Patrem, ut alium Paracletum det vobis, ut maneat vobis cum in aeternum, {44}Spiritum veritatis, quem mundus non potest accipere, quoniam non videt Illum nec cognoscit Illum; vos autem cognoscitis Illum, quia apud vos manet et in vobis erit: non relinquam vos orphanos. Paracletus, Spiritus sanctus, quem mittet Pater in nomine Meo, Ille vos docebit omnia, et commonefaciet vobis de omnibus quae dixi vobis, xiv 16-18, 26:

et alibi, 26 Quando venerit Paracletus, (x)quem Ego missurus sum vobis a Patre, Spiritus veritatis, qui ex Patre exit, Ille testabitur de Me, et vos testabimini, xv 26:

et adhuc alibi, Ego veritatem vobis dico, prodest vobis ut Ego abeam; si non abivero, Paracletus non veniet ad vos; si vero abivero, mittam: Illum ad vos, xvi 7;

ex his iterum patet quod Divinum Verum procedens a Divino Bono quod est Pater, sit Paracletus et Spiritus sanctus, quapropter etiam vocatur Spiritus veritatis; et dicitur de eo quod mansurus in illis quod docebit omnia, {45}quod testabitur de Domino; `testari {46}de Domino' in `spirituali sensu' est docere Illum; quod dicatur quod Paracletus qui Spiritus sanctus, mittatur a Patre in nomine Domini, et dein quod Dominus missurus sit Illum a Patre, et postea quod Ipse Dominus missurus, est quia Pater significat ipsum Divinum quod in Domino, et inde quod Pater et Ipse unum sint, prout Dominus manifeste {47}dicit 27 apud Johannem X 30, xiv 9-11: apud Matthaeum, Omne peccatum et blasphemia remittetur hominibus, Spiritus vero blasphemia non remittetur hominibus; si quis dixerit verbum contra Filium hominis, remittetur illi, qui vero dixerit contra Spiritum sanctum, non remittetur illi, neque in hoc saeculo neque in futuro, xii 31, 32;

`dicere verbum contra Filium hominis' est contra verum Divinum nondum implantatum seu inscriptum vitae hominis; quod `Filius hominis' sit Divinum Verum, videatur supra n. 9807, at `dicere verbum contra Spiritum sanctum' est contra Divinum Verum implantatum seu inscriptum vitae hominis, imprimis contra Divinum Verum de Ipso Domino; dicere contra id {48}seu negare illud, cum semel est agnitum, est profanatio, et profanatio talis est ut prorsus destruat interiora hominis; inde dicitur quod id (x)peccatum non remitti possit; quid profanatio, videatur n. 3398, 3898, 4289, 4601, 6348, 6960, 6963, 6971, 8394, 8882, 9298: et apud eundem, 28 Jesus dixit discipulis, Euntes baptizate in nomen Patris et Filii et Spiritus sancti, xxviii 19;

`Pater' ibi est ipsum Divinum, `Filius' est ipsum illud Divinum in forma humana, et `Spiritus sanctus' est Divinum procedens, {49} ita est unum Divinum, et usque trinum: quod Dominus sit ipsum Divinum sub forma humana, (x)Ipse docet apud Johannem, Ex his cognovistis Patrem, et vidistis Illum; qui videt Me, videt Patrem: Ego in Patre et Pater in Me, xiv 7, 9, 10. @1 i nunc$ @2 incidat$ @3 i sunt,$ @4 After Verbo$ @5 illum$ @6 et quoque$ @7 After eos$ @8 constare$ @9 After Spiritus Dei,$ @10 illa$ @11 spernit = readings found in LXX and Syriac version (see also Apocalypse Explained 183, Doctrine of the Lord 49) MT (tibhzeh) = (as is Sch)$ @12 malum$ @13 tentatione$ @14 facit IT$ @15 comederet$ @16 absque explicatione$ @17 intellectus et fidei$ @18 adhuc manifestius$ @19 i in genere$ @20 constat$ @21 i apud Eundem$ @22 i in Verbo$ @23 sicut per spiritum Jehovae, spiritum oris Ipsius, spiritum Dei, spiritum sanctitatis, seu spiritum sanctum, quod nempe Divinum a quo vita homini, quo Divinum est Divinum Verum procedens a Domino, omnis enim vita homini inde est, ac vita coelestis illis qui Divinum illud verum fide et amore recipiunt quod Divinum Verum a Domino sit spiritus ab Ipso procedens, Ipse Dominus docet$ @24 sunt Vera Divina altered to erant Divina Vera$ @25 i illis qui credunt in Dominum$ @26 patet$ @27 significat facultatem recipiendi percipiendique Divinum Verum, quia respiratio significat vitam fidei, n. 9229, 9281, unde quoque a flatu et a vento est nomen spiritus, quod respiratio quae pulmonum correspondeat vitae fidei, et pulsus quae cordis vitae amoris, ostensum est supra. (m)Similiter ac Genes. cap. ii, quod Jehovah inspiraverit in nares animam vitarum, ii 7, inde apud Jeremiam, Dominus qui ibi est unctus Jehovae,(n)$ @28 ideo$ @29 tum$ @30 hominis IT$ @31 ac inde$ @32 et explicatur quod ille spiritus sit$ @33 i consequenter quod sit intelligentiae et sapientiae quod in Domino$ @34 i ac$ @35 After deserto$ @36 i autem$ @37 i Apud Davidem, Per Verbum Jehovae coeli facti sunt, et per spiritum oris Ipsius omnis exercitus illorum, Psalm xxxiii 6; verbum Jehovae est Divinum Verum, similiter spiritus oris Ipsius; quod id sit Dominus, constat apud Johannem, In principio erat Verbum, et Verbum erat Deus [apud Deum intended], et Deus erat Verbum; omnia per Ipsum facta sunt, et Verbum caro factum est et habitavit inter nos, i, 1, 2, 3, 14. cp subdivision 16$ @38 ignis$ @39 Divinum Bonum$ @40 constat$ @41 et quod oculi sint$ @42 quod cornua sunt [sint intended]$ @43 i ibi$ @44 Spiritus IT$ @45 i et$ @46 enim$ @47 docet$ @48 d seu i et$ @49 i quod est Divinum Verum,$