et apud eundem, Removebo candelabrum tuum e loco suo si non egeris paenitentiam, Apoc. ii 5;

Ecclesia hic dicitur `candelabrum' a Divino Vero quod ibi a Domino; quod `candelabrum' sit Ecclesia, patet, {2}dicitur enim, Septem candelabra septem Ecclesiae; quod sit a Divino Vero, {2}patet ex eo quod dicatur, Removebo candelabrum tuum si non egeris paenitentiam; quod id sit a Domino, [etiam patet,] dicitur enim, In medio candelabrorum similis Filio hominis; quod Dominus dicatur Filius hominis a Divino Vero, videatur n. 2803, 2813, 3704 apud eundem, 3 Dabo duobus testibus Meis, ut prophetent dies mille ducentos sexaginta; hi sunt duae oleae et duo candelabra coram Deo terrae stantia, Apoc. xi 3-10;

`duo testes' sunt Verbum utriusque testamenti, quatenus testatur de Domino; {3}id `olea' dicitur ex Divino Bono, et `candelabrum' ex Divino Vero, quod a Domino: apud Sachariam, 4 Angelus loquens dixit ad prophetam, Quid tu vides? cui dixi, {4}Video, et ecce candelabrum auri totum; (x)lecythus ejus super capite ejus, septemque lucernae ejus super eo, septena infundibula lucernis: duae oleae juxta id, una a dextra (x)lecythi, et una a sinistra ejus, iv 2, 3;

agitur ibi de (x)Serubbabele, qui fundaturus domum Dei et perfecturus illam, per quem repraesentatur Dominus quod venturus (c)et restauraturus caelum spirituale et Ecclesiam; quae sunt candelabrum, et sancta vera ibi septem lucernae. Quod `lucerna' sit fides, ac intelligentia veri, et sapientia boni 5 quae a solo Domino, constat apud Johannem, Sancta Hierosolyma non opus habet sole neque luna, ut luceant in ea; gloria Dei illustrabit eam, et lucerna ejus Agnus: gentes quae salvantur in luce Ipsius ambulabunt, Apoc. xxi 23, 24:

et adhuc, Nox non erit ibi, neque opus habent lucerna et luce solis, quia Dominus Deus illustrat illos, Apoc. xxii 5;

`lucerna' in priore loco pro Divino Vero quod a Domino, et `lux' pro fide, ita quoque pro intelligentia et sapientia: apud eundem, Lux lucernae non lucebit in te amplius; et vox sponsi et sponsae non audietur in te amplius, Apoc. xviii 23:

6 et apud Jeremiam, Abrogabo vocem gaudii et vocem laetitiae, vocem sponsi et vocem sponsae, vocem molarum, et lucem lucernae, ut sit tota terra in desolationem, in devastationem, xxv 10, 11;

ibi de exstinctione fidei et inde intelligentiae in rebus spiritualibus, {5}quae ibi lucerna quae non erit, et lux lucernae quae abrogabitur: pariter apud Hiobum, Quoties lucerna impiorum exstinguitur., et venit super eos exitium, xxi 17:

apud Davidem, Tu illuminas lucernam meam, Jehovah Deus meus splendere facit tenebras meas, Ps. xviii 29 [A. V. 28]; 2 Sam. xxii 29:

apud eundem, Ex mandatis Tuis intelligens factus sum, lucerna pedi meo Verbum (x)Tuum, et lux semitae meae, Ps. cxix 104, 105:

apud Hiobum, Cum Deus splendere facit lucernam super capite meo, ad lucem ejus ambularem in tenebris, xxix 3:

7 apud Matthaeum, Lucerna corporis est oculus; si oculus tuus probus est, totum corpus tuum lucidum, at si oculus tuus malus fuerit, totum corpus obtenebratum erit; si ergo lumen quod in te est tenebrae est, tenebrae quantae! vi 22, 23; Luc. viii 16, xi 33-36;

per `oculum' hic intelligitur fides et inde intelligentia; quod {6}ea in sensu interno sint `oculus,' videatur n. 4403-4421, (x)4523-4534, 9051; inde patet quid significatur per quod `si oculus tuus probus, totum corpus lucidum, at si oculus tuus malus, totum corpus obtenebratum.' Quia fides et inde intelligentia et sapientia {7} significatur per `lucernam,' ideo reges Jehudae vocantur lucernae Davidi, 1 Reg. xi 36, xv (x)4; 2 Reg. viii 19; et David vocatur lucerna Israelis, 2 Sam. xxi 16, 17; non quod reges Jehudae essent lucernae, nec David, sed quia per {8}regem significatur Divinum Verum quod a Domino, n. 6148, et per Davidem Dominus quoad Divinum Verum, ex quo fides, intelligentia, et sapientia, n. 1888. @1 After angelis$ @2 nam dicitur$ @3 quod$ @4 vidi$ @5 quo IT$ @6 hoc in sensu interno sit$ @7 i a Domino$ @8 reges$