9513. `Ex propitiatorio facietis cherubos super duabus extremitatibus': quod significet receptionem omnium quae cultus ex illis bonis, constat ex significatione `propitiatorii' quod sit auditio et receptio omnium quae cultus ex bono amoris, de qua n. 9506, ex significatione `cheruborum' quod {1}sint intromissio et aditus ad Dominum per id bonum, de qua n. 9509, et ex significatione `duarum extremitatum' quod sint bonum caeleste et bonum spirituale, de qua n. 9511; inde patet quod per `ex propitiatorio facietis cherubos super duabus ejus extremitatibus' significetur receptio omnium quae cultus ex illis bonis; quid bonum caeleste et quid bonum spirituale, et quae differentia, videantur citata n. 9277. @1 sit$