8117. Ulterius narrabant quod distincti ibi sint in gentes, familias, et domos, et quod omnes separatim cum suis habitent; {1}quodque conversationes illorum sint maxime intra affinitates; tum quod nusquam aliquis alterius bona cupiat; et quod nec in animum veniat inde sibi aliquid vindicare, minus invadere et diripere; hoc ut facinus contra naturam humanam, ac horrendum reputant; cum dicere vellem quod in hac tellure sint bella, depraedationes, ac neces, tunc avertebant se et aversabantur audire. @1 et quod$