7825. `Et dixit Jehovah ad Moschen et ad Aharonem': quod significet informationem per verum Divinum, constat (c)a significatione `dicere,' cum a Jehovah de instituendis in Ecclesia, quod sit informatio, `dicere' enim involvit sequentia; et ex repraesentatione `Moschis et Aharonis' quod sit verum Divinum, `Moscheh' verum immediate procedens a Divino, `Aharon' quod mediate, de qua n. 7009, 7010, 7089, 7382.