7649. `Quam non viderunt patres tui, et patres patrum tuorum, a die fuerunt super humo usque ad diem hunc': quod significet quod tale falsum non fuerit ab antiquo tempore in Ecclesia, quale ibi, constat ex significatione `quam non viderunt,' nempe `locustam,' quod sit quod tale falsum non fuerit, quod `locusta' sit falsum in externis, videatur supra n. 7643; ex significatione `patrum, et patrum patrum' quod sit ab antiquo tempore; et a significatione `humi' quod sit Ecclesia, de qua n. 566, 1068; `a die quo fuerunt super illa usque ad diem hunc' significat statum in quo Ecclesia ab illo tempore ad hoc; quod `dies' sit status, videatur n. 23, 487, 488, 493, 2788, 3462, 4850; quomodo hoc se habet, videatur n. 7686.