6375. `Alligat ad vitem asellum suum': quod significet verum in naturali pro Ecclesia externa, constat a significatione `alligare' quod sit conjungi; a significatione `vitis' quod sit Ecclesia spiritualis, de qua n. 1069, 5113, hic Ecclesia spiritualis externa, quia per `vitem praestantem' de qua mox dicitur, significatur Ecclesia interna; et a significatione `asini' quod sit verum {1}in naturali, de qua n. 2781; inde patet quod per `alligat ad vitem asellum suum' significetur conjunctio per verum in naturali cum Ecclesia externa. @1 naturale$