6334. Vers. 1, 2. Et vocavit Jacob filios suos, et dixit, Colligimini, et indicabo vobis quid continget (x)vobis in postremitate dierum. Congregamini, et audite filii Jacobi, et audite ad Israelem patrem vestrum. `Et vocavit Jacob filios suos' significat ordinationem verorum fidei et bonorum amoris in naturali: `et dixit, Colligimini' significat simul omnia in genere: `et indicabo vobis quid continget {1} in postremitate dierum' significat quale status Ecclesiae in illo ordine in quo tunc: `congregamini' significat ut ipsa se ordinent: `et audite filii Jacobi' significat vera et bona in naturali: `et audite ad Israelem patrem vestrum' significat praedictionem de illis a bono spirituali, in supremo sensu praevidentiam Domini. @1 A I here and 6337 o vobis; cp. above $