421. Vers. 22. Et Zillah etiam ea peperit Tubal-cain, erudiens omnem artificem aeris et ferri. Et soror Tubal-cain Naamah. Per 'Zillah' significatur, ut dictum, mater naturalium Ecclesiae novae: per 'Tubal-cain erudientem omnem artificem aeris et ferri' doctrina boni et veri naturalis; 'aes' significat bonum naturale; 'ferrum' verum naturale: per 'sororem Tubal-cain Naamah' significatur similis Ecclesia, seu doctrina boni et veri naturalis, extra illam Ecclesiam.