2862. `Et indicatam Abrahamo, dicendo': quod significet perceptionem Domini, constare potest ex significatione `indicari' quod sit cogitare et reflectere; et `dicere' quod sit percipere, de qua saepius prius; reflexio et perceptio Domini, de qua in sensu interno Verbi, non aliter in historicis exprimi potest quam per `indicari et dicere'; in se etiam reflexio et perceptio est indicatio et dictatio interna.