1805. Vers. 5. Et educens illum foras, et dixit, Specta quaeso versus caelum, et numera stellas, si poteris numerare illas, et dixit illi, Ita erit semen tuum. 'Educens illum foras' significat Interioris Hominis visum qui ab externis videt interna: 'et dixit, Specta quaeso versus caelum' significat repraesentationem regni Domini in universi intuitione: 'et numera stellas' significat repraesentationem bonorum et verorum iri siderum intuitione: 'si poteris numerare illas' significat fructificationem amoris et multiplicationem fidei: 'et dixit illi, Ita erit semen tuum? significat heredes regni Domini.