10588. Ex audito illorum sermone incidebat dubitatio de respiratione illorum num illa similis esset respirationi hominum nostrae telluris, et dictum quod quidem similis, sed quod non articuletur in via cum abit in sonum, quod fit apud nos in trachea et larynge; tum quod labia eorum moveantur non modo per influxum idearum in fibras eorum, sed etiam per afflatum intrinsecum pulmonicum.