10414. `Et offerebant holocausta et adducebant pacifica': quod significet cultum suorum amorum, ita jucundorum eorum et inde falsorum, constat ex significatione `holocaustorum' et `sacrificiorum' quod sit omnis cultus in genere, de qua n. 6905, 8936, 10,042, et quod `holocausta' sint cultus ex bono amoris,{1} `sacrificia' ex veris fidei, n. 8680, 10,053; inde in sensu opposito per `holocausta' significatur cultus ex amoribus propriis, qui cultus est ex jucundis eorum, quae sunt mala, et per `sacrificia' significatur cultus ex falsis inde; dicitur cultus amorum quia id colitur quod amatur, et amor colit. @1 i et$