10233. Vers. 17-21. Et locutus est Jehovah ad Moschen, dicendo, Et facies labrum aeris, et basin ejus aere, ad lavandum, et dabis illud inter tentorium conventus et inter altare, et dabis ibi aquas. Et lavabunt Aharon et filii ejus ex eo manus suas et pedes suos. In intrando illos in tentorium conventus, lavabunt aquis, ne moriantur, vel in accedendo illos ad altare ad ministrandum, ad adolendum ignitum Jehovae. Et lavabunt manus suas et pedes suos, ne moriantur; et erit illis statutum saeculi, illi et semini illius, generationibus illorum. {1}Et locutus est Jehovah ad Moschen, dicendo' significat perceptivum ex illustratione per Verbum a Domino: `et facies labrum aeris' significat bonum naturalis hominis, in quo purificatio: `et basin ejus aere' significat bonum ultimi naturalis, quod est sensualis: `ad lavandum' significat purificationem a malis et falsis: `et dabis illud inter tentorium conventus et inter altare' significat ut sit conjunctio veri et boni: `et dabis ibi aquas' significat vera fidei per quae purificatio in naturali: `et lavabunt Aharon et filii ejus ex eo' significat repraesentativum purificationis et regenerationis hominis a Domino: `manus suas et pedes suos' significat interiora et exteriora hominis: `in intrando illos in tentorium conventus' significat cultum ex bono fidei: `lavabunt aquis' significat purificationem per vera fidei: `ne moriantur' significat ne pereat repraesentativum: `vel in accedendo illos ad altare ad ministrandum, ad adolendum ignitum Jehovae' significat cultum ex bono amoris: `et lavabunt manus suas et pedes suos' significat purificationem {2}interiorum et exteriorum hominis: `ne moriantur' significat ne pereat repraesentativum: `et erit illis statutum saeculi' significat legem ordinis aeternam: `illi et semini illius, generationibus illorum' significat omnes qui recipiunt illa quae procedunt a Domino, ita qui regenerantur ab Ipso. @1 See p. ix preliminary note 2.$ @17. Et loquutus est Jehovah ad Moschen, dicendo, significat iterum perceptionem ex illustratione per Verbum a Domino. 18. Et facies labrum aeris, significat bonum naturalis ut recipiens: et basin ejus aere, significat bonum ultimi naturalis, quod est sensualis: ad lavandum, significat ubi purificatio a malis et falsis: et dabis illud inter Tentorium conventus et inter altare, significat ubi conjunctio veri et boni et dabis ibi aquas, significat locupletationem a veris fidei. 19. Et lavabunt Aharon et filii ejus ex eo, significat repraesentationem purificationis interni et externi hominis a Domino. [manus suas et pedes suos ut sequitur interpolated here] 20. In intrando illos in tentorium conventus, significat in cultum ex veris fidei: lavabunt aquis, significat purificationem per vera: ne moriantur, significat ne pereat repraesentativum cultus: vel in accedendo illos ad altare ad ministrandum, ad adolendum ignitum Jehovae significat, repraesentativum cultus ex bono amoris. 21. Et lavabunt manus suas et pedes suos, significat purificationem utriusque, tam interni quam externi hominis: ne moriantur, significat ne pereat repraesentativum: et erit illis statutum saeculi, significat legem ordinis aeternam: illi et semini illius, generationibus illorum, significat [sentence not completed]$ @2 exteriorum et interiorum IT$