10214. Vers. 11-16. Et locutus est jehovah ad Moschen, dicendo, Cum sustuleris summam filiorum Israelis quoad numeratos illorum, et dabunt quisque expiationem animae suae Jehovae in numerando illos, et non sit in illis plaga in numerando illos. Hoc dabunt omnis transiens super numeratos, dimidium sicli in siclo sanctitatis, viginti oboli siclus, dimidium sicli sublatio Jehovae. Omnis transiens super numeratos a filio viginti annorum et supra, dabit sublationem Jehovae. Dives non dabit plus, et pauper non dabit minus, ex dimidio sicli ad dandum sublationem Jehovae, ad expiandum super animabus vestris. Et accipies argentum expiationum a cum filiis Israelis, et dabis illud ad opus tentorii conventus; et erit filiis Israelis ad recordationem coram Jehovah, ad expiandum super animabus vestris. {1}Et locutus est Jehovah ad Moschen, dicendo' significat illustrationem per Verbum a Domino: `cum sustuleris summam filiorum Israelis' significat omnia Ecclesiae: `quoad numeratos illorum' significat quoad ordinationem et dispositionem: `et dabunt quisque expiationem animae suae in numerando illos' significat purificationem seu liberationem a malo per agnitionem et fidem quod omnia bona et vera fidei et amoris, et eorum ordinatio et dispositio sint a Domino, et nihil ab homine: `et non sit in illis plaga in numerando illos' significat ne sit poena mali in faciendo bona sicut a semet: `hoc dabit omnis transiens super numeratos' significat addicationem omnium quae fidei et amoris Domino: `dimidium sicli in siclo sanctitatis' significat omnia veri ex bono: `viginti oboli siclus' significat omnia boni: `dimidium sicli sublatio Jehovae' significat quod omnia veri ex bono sint solius Domini: [`omnis transiens super numeratos' significat quod omnia vera et bona addicanda soli Domino:] `a filio viginti annorum et supra' significat statum intelligentiae veri et boni: `dabit sublationem Jehovae' significat addicationem soli Domino: `dives non dabit plus, et pauper non dabit minus, ex dimidio sicli ad dandum Jehovae' significat quod omnes ex quacumque facultate sint, [aeque] omnia {2}veri ex bono addicaturi sint Domino: `ad expiandum super animabus vestris' significat ut removeantur mala: `et accipies argentum expiationum a cum filiis Israelis' significat vera ex bono purificantia quae Ecclesiae: `et dabis illud ad opus tentorii conventus' significat conjunctionem cum caelo per agnitionem quod omnia vera et bona sint a Domino: `et erit filiis Israelis ad recordationem coram Jehovah' significat sic conservationem Ecclesiae et omnium Ecclesiae a Domino: `ad expiandum super animabus vestris' significat quoniam sic mala remota. @1 See p. ix preliminary note 2. 11. Et loquutus est Jehovah ad Moschen, dicendo, significat illustrationem per Verbum a Domino. 12. Cum sustuleris summam filiorum Israelis, significat omnia Ecclesiae quoad numeratos illorum, significat in quibus instructi et imbuti: et dabunt quisque expiationem animae suae Jehovae, significat ut purificentur a malis et inde falsis: in numerando illos, significat ordinationem et dispositionem quoad talia quae Ecclesiae et a Domino: et non sit in illis plaga in numerando illos, significat a poena et quoque a poena mali cum ordinantur et disponuntur sicut a semet. 13. Hoc dabit omnis transiens super numeratos, significat addicationem omnium quae Ecclesiae Domino: dimidium sicli in siclo sanctitatis, significat partem primam omnem quoad vera ex bono: viginti oboli siclus, significat receptionem et conjunctionem: dimidium sicli sublatio Jehovae, significat addicationem et conjunctionem plenam. 14. Omnis transiens super numeratos, significat omnia Ecclesiae addicanda Domino: a filio viginti annorum, et supra, significat statum cum hoc fieri potest: [Num. i 2, 3, xxvi 4, iv 23 ubi plenum is interpolated here] et dabit sublationem Jehovae, significat tunc addicationem Domino. 15. Dives non dabit plus, et pauper non dabit minus, ex dimidio sicli ad dandum Jehovae, significat quod similiter qui abundat cognitionibus veri et boni, et qui non abundat: (quia cuivis est *** ***) ad expiandum super animabus vestris, significat ut removeantur mala. 16. Et accipies argentum expiationum a cum filiis Israelis, significat vera ex bono purificantia, quae Ecclesiae: et dabis illud ad opus Tentorii conventus, significat sic conjunctionem cum coelo: et erit filiis Israelis ad recordationem coram Jehovah, significat sic conservationem a Domino: ad expiandum super animabus vestris, significat quoniam sic mala remota.$ @2 veri et boni IT, cp n. 10,227$