10091. `Et sanctificabis pectus agitationis': quod significet Divinum Spirituale in caelo et in Ecclesia agnitum, constat ex significatione `sanctificare' quod sit repraesentare Dominum et sancta quae ab Ipso, de qua n. 9956, 9988, ex significatione `pectoris' quod sit Divinum Spirituale in caelo, de qua n. 10,087, et ex significatione `agitationis' quod sit vivificatio per agnitionem, de qua n. 10,083, 10,089; Divinum Spirituale est Divinum Verum in caelo medio seu secundo, quod caelum etiam regnum spirituale vocatur.