10030. `Tegentem intestina': quod significet quod ultimis seu infimis, constat ex significatione `intestinorum' quod sint ultima seu infima; quod intestina sint ultima seu infima, est quia sunt ultima et infima viscerum interiorum hominis, non modo quoad situm sed etiam quoad usum; quoad situm, sunt infra ventriculum cui appendantur, et quoad usum, ultimo recipiunt illa quae apud hominem digeruntur; supra illa sunt, ut notum est, ventriculus, hepar, pancreas, lien, et superius adhuc cor et pulmo, et adhuc superius caput; etiam notum est quod superiora haec suas sordes (o)et sua recrementa conjiciant in intestina, et per illa amandent (o)ea, partim per ventriculum, partim per ductus ex hepate, qui vocantur ductus hepatici, ut et cystici seu biliares {1}, partim per ductus ex pancreate, qui ductus cum reliquis {2} exitus suos habent in intestinum duodenum; inde nunc patet cur per intestina significantur ultima seu infima. Quod per viscera quae apud {3} hominem, significentur talia quae spiritualis mundi sunt, {4} constare potest ex illis quae ad finem plurium capitum ubi de correspondentia Maximi Hominis, quod est caelum, cum omnibus apud hominem, actum est, copiose ostensa sunt; quid in specie correspondet intestinis, videatur n. 5392, et {5} quod inferna correspondeant ejectis inde faecibus et excrementis {6}, n. 5393-5396. [2] Quia in sequentibus nunc memorantur aliquot viscera corporis, sicut reticulum, hepar, renes, crura, pectus, armus, caput, ac de ordinatione eorum in sacrificiis {7} agitur, ideo luc primum ostendendum est quod per hominis membra in genere significentur talia quae in Maximo Homine sunt, hoc est, in caelo, hic solum per illa per quae {8} describitur statua Nebucadnezaris apud Danielem, Quod ejus caput esset aurum purum, pectus et bracchia argentum, venter et latus {9} aes, crura ferrum, et pedes ex parte ferrum et ex parte argilla, ii 32, 33;
qui non scit quod Verbum Domini sit spirituale, credit quod illa de regnis terrae dicta sint, sed in Verbo non agitur de regnis terrae, sed de regno Dei, ita de caelo et de Ecclesia; quod haec {10} per talia quae sunt in tertis, et in harum {11} regnis, describantur, est causa quia mundana et terrestria correspondent talibus quae in caelo sunt; est enim universa natura, et universus mundus theatrum repraesentativum regni Domini {12}, (o)videantur citata n. 9280, et terrestria ac mundana {13} sunt quae homo primum capit {14}; [3] inde constare potest quod per statuam Nebucadnezari visam in somnio non significentur mundana sed caelestia; sed quid in specie per caput, per pectus, per ventrem et latus, per crura, et per pedes significatur, ex correspondentia illorum, ita ex sensu interno Verbi, sciri potest; ex correspondentia scitur quod per caput significetur primus status Ecclesiae, per pectus et bracchia secundus, per ventrem et latus tertius, et per crura quartus, ac per pedes ultimus; quia primus status Ecclesiae fuit status boni amoris in Dominum, dicitur quod caput esset ex auro puro, et quia secundus status fuit status veri ex illo bono {15}, dicitur quod pectus et bracchia essent ex argento, et quia tertius status fuit bonum amoris et ejus verum in externo seu naturali homine, dicitur quod venter et latus essent ex aere, et quia quartus status fuit verum fidei, dicitur quod crura essent ex ferro, et quia ultimus status fuit verum, quod fidei vocatur, absque bono, dicitur quod pedes essent quoad partem ex ferro, et quoad partem ex argilla; et quia talis status Ecclesiae ultimus fuit, dicitur quod ex petra excisus sit lapis, qui contrivit et dispersit omnia, adeo {16} ut abstulerit ea ventus, et nullus locus inventus sit illis, (o)vers. 34, 35, per quae significatur quod bonum amoris (o)in Dominum, bonum charitatis (o)erga proximum, et bonum fidei prorsus disparata sint, usque (o)adeo ut non sciretur quid sunt, sed modo aliquid de veris fidei absque bono, seu cum bono quod non bonum est, ita quod non cohaeret cum veris fidei; [4] hoc bonum est bonum externum absque interno, quale est bonum meriti, bonum propter se et propter mundum, ita propter (t)lucra, honorem, (o)et famam, propter amicitias illorum causa, aut propter favorem {17}, et quoque solum propter timorem legis (o)et non propter bonum charitatis, quod est bonum concivis, bonum societatis humanae, bonum patriae, et bonum Ecclesiae; [5] talia bona quae supra dicta sunt significantur {18} per `argillam' seu `lutum,'{19} verum cum quo id bonum non cohaeret, est `ferrum'; ideo dicitur, Ferrum quod vidisti mixtum cum argilla luti, (x)commiscebunt se per semen hominis, sed non cohaerebunt unum cum altero, quemadmodum ferrum non commiscetur cum argilla, vers. 43;
`semen hominis' est verum fidei ex proprio, ita verum falsificatum e adulteratum per applicationem ad mala ex intuitione sui et mundi; ex his {20} patet {21} quod per membra hominis a capite ejus usque ad plantam pedis significentur talia quae sunt Ecclesiae. [6] (s)Quod in genere `caput' significet caeleste bonum, quod est bonum amoris in Dominum, `pectus' spirituale bonum, quod est bonum charitatis erga proximum, et quod `pedes' naturale bonum, quod est bonum (o)et verum fidei, videatur n. 9913, 9914; quod etiam {22} similia per aurum, argentum, aes, (o)et ferrum, n. 5658; quid autem in specie (o)significatur per `caput,'(s) (o)videatur n. 4938, 4939, 5328, 9913, 9914, quid per `aurum,' n. 113, 1551, 1552, 5658, 9510, 9881, quid (d)per `pectus,' n. 4938, 4939, 5328, 6436, 9913, 9914, quid (d)per `argentum,' n. 1551, 5658, 6914, 6917; inde patet quid significatur per `ventrem' et per `latus,' quae sunt infra pectus; quid autem (d)per `aes,' n. 425, 1551, quid (d)per `pedes,' n. 2162, 3147, 3761, 4938-4952, quid per `ferrum,' n. 425, 426, et quid per `argillam' seu `lutum,' n. 1300, 6669. [7] Ex his nunc sciri {23} potest quod per membra seu viscera hominis significentur talia quae eis correspondent in Maximo Homine, seu in caelo, quae omnia se referunt ad bonum amoris et (o)ad verum fidei, et quia {24} correspondent his {25}, etiam correspondent iisdem {26} in Ecclesia, nam caelum Domini in terris est Ecclesia. (s)Quod correspondentia sit hominis et omnium apud hominem cum Maximo Homine, quod est caelum, videantur quae ab ipsa experientia ad finem plurium capitum ostensa sunt, in his locis, n. 3624-3649, 3741-3751, 3883-3896, 4039-4051, 4218-4228, 4318-4331, 4403-4421, 4527-4533, 4622-4633, 4652-4660, 4791-4805, 4931-4953, 5050-5061, 5171-5189, 5377-5396, 5552-5573, 5711-5727, 5846-5866, 5976-5993, 6053-6058, 6189-6215, 6307-6326, 6466-6495, et quid correspondentia, n. 2987-3003, 3213-3227, 3337-3352, 3472-3485. @1 hepatici et cystici$ @2 qui vocantur ductus pancreatici, qui$ @3 intra$ @4 i et correspondent,$ @5 etiam$ @6 i inde$ @7 in sacrificium et in holocaustum$ @8 hic solum ex illis quae altered to prout ubi$ @9 i ibi$ @10 d haec i id$ @11 illarum$ @12 Dei$ @13 talia$ @14 capiet$ @15 amore$ @16 ita$ @17 (m)et favorem (n) illorum causa$ @18 tale bonum significatur$ @19 i et$ @20 i nunc$ @21 d constare potest i and d patet then restored constare potest$ @22 et quod$ @23 constare$ @24 illis quae$ @25 quae IT$ @26 illis$
This page is part of 
© 2000-2001 The Academy of the New Church