per `thronum super quo Dominus' significatur caelum, et in specie caelum spirituale, n. 5313, 8625, per `fimbrias' ibi significantur Divina Vera in ultimis seu extremis, qualia sunt vera Verbi in sensu litterae, quae dicuntur `implere templum,' cum Ecclesiam; simile per `fimbrias implentes templum' significatur quod per fumum et nubem implentem tabernaculum et quoque templum, de {1}quibus aliquoties in Verbo; quod per `fumum' ibi {2}significetur Divinum Verum in ultimis, quale est sensus litterae Verbi, videatur n. 8916, 8918, e quoque per `nubem,' n. 4060, 4391, 5922, 6343. [3] {3}Quod mulier profluvio laborans, cum tetigerit fimbriam vestimenti Domini, sanata sit, Matth. ix 20, 22, et in genere, quotquot tetigerunt fimbriam vestimenti Ipsius, sanati fuerint, Matth. xiv 36; Marc. vi 56 significabat quod ex Divino in extremis seu ultimis exiret salus; nam quod in ultimis boni et veri, quae a Divino, sit robur et potentia videatur n. 9836, et quoque quod ibi responsa, n. 9905: apud Matthaeum, Jesus de Scribis et Pharisaeis, quod omnia opera sua faciant ut spectentur ab hominibus, quod dilatent (x)phylacteria sua, et magnificent fimbrias palliorum suorum, xxiii 5;

ibi manifeste patet quod `fimbriae pallii' sint externa quae visui exstant, et quod illas `magnificare' sit opera facere in externis, ut appareant seu spectentur: [4] apud Jeremiam, Peccatum peccavit Hierosolyma, immundities ejus in fimbriis ejus, Threni i (8,) 9;

`immundities in fimbriis' pro in factis et dictis, ita in extremis, extrema enim trahunt suam essentiam ab interioribus, {4}quapropter cum interiora immunda sunt, etiam extrema immunda sunt, tametsi immunditiae non apparent coram hominibus, ex causa (x)quia homines formam externam spectant, et sic non vident interiora; sed usque immunditiae illae quae in interioribus, apparent coram angelis, et quoque deteguntur apud unumquemvis in altera vita, nam ibi auferuntur externa; inde {5}patet qualia fuerunt {6}opera in sua essentia: [5] apud Nahum, Retegam fimbrias tuas super facies tuas, et ostendam gentibus nuditatem tuam, iii 5;

`retegere fimbrias super facies' est {7}removere externa ut appareant {8}interna, {9}externa enim, quae naturalis hominis, variis modis occultant {8}interna, quae sunt hypocrises, doli, mendacia, odia, vindictae, adulteria, et similia alia, quapropter cum {10}externa auferuntur, apparent {11}interna in sua immunditie et foeditate {12}: apud Jeremiam, [6] Si dixeris in corde tuo, Quare obtigerunt mihi haec, propter multitudinem iniquitatis tuae revelatae sunt fimbriae tuae, violati sunt calcanei tui. {13} Ego denudabo fimbrias tuas super facies tuas, ut videantur ignominia tua, adulteria tua, xiii 22, 26 [,27];

ibi de abominationibus Hierosolymae; `revelare fimbrias' et `denudare illas' pro auferre {14}externa, quae velant et abscondunt, ut interiora videantur; homo enim malus discit mentiri bonum, honestum, et sincerum, famae, honoris, et lucri causa, {15} cum tamen intus recondita habet mala {16}et falsa variorum generum; quia per `fimbrias' significantur externa, ideo etiam dicitur de `calcaneis,' quoniam calcanei sunt infima naturalis, videatur n. 259, 4938 seq., 4940-4951. Ex his nunc constat quod per `fimbrias pallii' significentur bona et vera in ultimis seu extremis, quae sunt in mundo naturali. @1 quo$ @2 significentur Divina Vera in ultimis, qualia sunt sensus literalis$ @3 In A the Scripture quotations which follow, and the comments on them, appear in the following order:

Nahum iii 5; Jer. xiii 22, 26; Threni i 9; Matth. xxiii 5; Matth. ix 20, 22; Matth. xiv 36; Marc. vi 56.$ @4 quando$ @5 patent$ @6 interioris opera$ @7 aperire extrema$ @8 interiora$ @9 extrema$ @10 extrema illa reteguntur$ @11 interiora$ @12 i, quae sunt mala et falsa plurium generum$ @13 i Quia$ @14 extrema$ @15 i quod fit per externa,$ @16 quae sunt odia, vindictae, adulteria, blasphemiae$