9688. `Opere acupictoris': quod significet quae scientifici, constat ex significatione `operis acupictoris' seu acupicturae, quod sit scientificum; pluribus in locis in Verbo dicitur acupictum et acupictura, et ubivis per id significatur scientificum; hoc ducit {1} causam ex repraesentativis in altera vita; ibi apparent vestes acupictae vario modo, et per illas significantur vera scientifica. [2] Vera scientifica differunt a veris intellectualibus sicut externa ab internis, seu sicut naturale a spirituali apud hominem; scientifica enim inserviunt intellectuale pro objectis, ex quibus excludat {2} vera; intellectuale enim est visuale interni seu spiritualis hominis, et scientifica sunt objecta ejus in externo seu naturali homine; haec per `opus acupictoris' significantur, illud autem per `opus excogitatoris,' {3} n. 9598, excogitare enim est intellectus, et {4} acupingere est scientis et efficientis ex intellectu; inde est quod illa in habitaculo, quae significabant interna, ex opere excogitatoris essent, sicut ipsa aulaea ibi, vers. 1, (c)et velum inter sanctum et (o)sanctum sanctorum, vers. 31; at {5} quod illa quae significabant externa, ex opere acupictoris essent, sicut tegumentum pro ostio tentorii, et pro porta atrii, Exod. xxxviii 18; tum etiam {6} balteus, Exod. xxxix 29, `balteus' enim est externum conjungens omnia interna {7}, `atrium' est ultimum caeli, et `ostium tentorii' est ubi exitus (c)e caelo medio in ultimum. [3] Quod acupictura et acupictum sit scientificum quod externi seu naturalis {8} hominis, constat ex his locis in Verbo: {9} apud Ezechielem, Byssus in acupictura ex Aegypto fuit expansio tua; hyacinthinum et purpura ex insulis `Elischa' fuit tegumentum tuum: Syria negotiatrix tua per multitudinem operum tuorum, cum chrysopraso purpuram, et acupictura, et byssum. Negotiatores Schebae cum glomeribus hyacinthini et acupicto, xxvii 7, 16, 24;
agitur ibi de Tyro, per quam significantur illi qui in cognitionibus veri et boni (o)sunt, et in sensu abstracto (t)illae ipsae cognitiones, n. 1201; per `byssum in acupictura' significatur verum scientificum, `byssus' enim est verum ex origine caelesti, n. 5319, 9469, et `acupictura' est scientificum; ideo quoque dicitur ex Aegypto, quia per `Aegyptum' significatur scientificum, n. 1164, 1165, 1186, 1462, 2588, 4749, 4964, 4966, 5700, 5702, 6004, 6015, 6125, 6651, 6679, 6683, 6692, 6750, 7779 fin., 9391, et quoque ex Syria et ex Scheba, quia per `Syriam' significantur cognitiones veri et boni, n. 1232, 1234, 3051, 3249, 3664, 3680, 4112, similiter per `Schebam,' {10} n. 1171, 3240; (c)cognitiones veri et boni sunt scientifica Ecclesiae; (m)quisque qui gaudet facultate intellectualiter cogitandi et res expendendi, videre potest quod non acupictura ibi, nec byssus, nec hyacinthinum, nec purpura intelligantur, sed quod per illa significentur {11} talia quae digna Verbo sunt,ita {12} spiritualia quae caeli et Ecclesiae {13}:(n) apud eundem, Descendent (x)desuper thronis suis omnes principes maris, et abjicient amicula sua, et vestes acupicturae suae (x)exuent, terroribus induentur, xxvi 16;
ibi etiam de Tyro; `principes maris' sunt primaria scientifica, quae dogmata vocantur; quod `principes' sint primaria, videatur {14} n. 1482, 2089, 5044, et `mare' {15} scientificum iri genere, n. 28, 2850; `amicula' sunt vera externa, `acupicturae' sunt vera scientifica, quae etiam (o)sunt externa; quod `vestes' sint vera, {16} n. 2576, 4545, 4763, 5248, 5319, 5954, 6914, 6917, 6918, 9093, 9158, 9212, 9216: [5] apud eandem, Vestivi te acupicto, et calceavi te taxo, accinxi te bysso, et obtexi te serico: sic ornata es auro et argento, et vestes tuae byssus, sericum, at acupictum: sed sumpsisti vestes acupicti tui, et texisti imagines, cum quibus scortata es, xvi 10, 13, 18;
ibi de Hierosolyma, per quam Ecclesia significatur; `vestes acupicti' pro veris scientificis, `tegere imagines, cum quibus scortata' pro confirmare falsa, `scortari' enim est pervertere {17} vera (o)per applicationes ad falsa aut mala; (s)quis non videt quod per `byssum, sericum, et acupictum' ibi non byssus, sericum, et acupictum intelligantur {18}? agitur enim de Hierosolyma; sed quid intelligitur, orbis Christianus non inquirit, quia caelestia et spiritualia Verbi ponit in sensu ejus litterali, ac interiora ejus vocat mystica, quae non curat:(s) [6] apud eundem, Aquila magna, magna alis, longa pennis, plena plumis, cui acupictura, xvii (x)3;
ibi de domo Israelis, per quam significatur Ecclesia spiritualis, quae `aquila' dicitur ex perceptione veri, n. 3901, 8764, cui acupictura pro cui scientificum: apud Davidem, Tota gloriosa filia regis intus, ex implexis auri vestis ejus, in acupicto adducetur {19} regi, Ps. xlv 14, 15 [A.V. 13, 14];
`filia regis' pro affectione veri, `acupictum' pro scientifico veri: in libro Judicum, Divident praedam, praedam colorum Siserae, praedam colorum acupicti, colorem acupictorum {20}, collis praedae, v 30;
canticum Deborae et Baraki, `acupictum' ibi {21} pro scientifico quod naturalis hominis. @1 trahit$ @2 concludat$ @3 i seu per excogitationem, de qua$ @4 at$ @5 et$ @6 et quoque$ @7 interiora$ @8 naturalis seu externi$ @9 i ut$ @10 et per Schebam similiter, above which it interpolated quae sunt externi hominis$ @11 illa significent$ @12 i coelestia et$ @13 i sunt$ @14 per quae confirmant sua dogmata illi qui per Tyrum significantur, principes enim sunt primaria$ @15 i est$ @16 i videatur$ @17 i et falsificare$ @18 intelligatur$ @19 adducitur IT$ @20 acupictoris$ @21 i etiam$
This page is part of 
© 2000-2001 The Academy of the New Church