9006. {1} Vers. 12-15. Percutiens virum et moriatur, moriendo morietur. Et qui non insidiatus est, et Deus occurrere fecerit ad manum illius, et ponam tibi locum quo fugiat illuc. Et cum ex proposito egerit vir contra socium suum ad occidendum illum dolo, a cum altari Meo sumes illum ad moriendum. Et percutiens patrem suum et matrem suam, moriendo morietur. `Percutiens virum et moriatur' significat laesionem veri fidei, et inde jacturam vitae spiritualis: `moriendo morietur' significat damnationem: `et qui non insidiatus est' significat cum non ex voluntate ex praeviso: `et Deus occurrere fecerit ad manum illius' significat apparens sicut casus: `et ponam tibi locum quo fugiat illuc' significat statum inculpati et sic exempti a poena: `et cum ex proposito egerit vir contra socium suum' significat cogitationem praeviam ex voluntate prava: `ad occidendum illum dolo' significat inde malitiam et aestum ad deprivandum proximum vita aeterna: `a cum altari Meo sumes illum ad moriendum' significat damnationem etiamsi fugit ad cultum Domini, et supplicat de remissione, ac promittit paenitentiam: `et percutiens patrem suum et matrem suam' significat blasphemationem Domini et regni Ipsius: `moriendo morietur' significat damnationem. @1 See p. 312, note 6. P(2) here reads: