7781. `Et omne primogenitum bestiae'; quod significet fidei bona adulterata, constat ex significatione `primogeniti' quod sit fides; et ex significatione `bestiae' quod sint affectiones boni, et in opposito sensu affectiones mali, de qua n. 45, 46, 142, 143, 246, 714, 715, 719, 776, 2179, 2180, 3519, (a)4724, 5198; quod `bestiae' talia significent, est ex repraesentativis in altera vita, n. 3218; ideo quoque talia per illas significabantur in sacrificiis, n. 2180, 2805, 2807, 2830, 3519; {1} quia `bestiae' illa significabant, {2}ideo per `primogenitum bestiae' {3}significatur veri bonum hic adulteratum, quia apud Aegyptios, qui omnia vera et bona {4} perverterunt per applicationes ad malos usus. @1 i et$ @2 idcirco$ @3 S first wrote significantur veri bona hic adulterata then he made bona and adulterata singular but left the verb unchanged.$ @4 i Ecclesiae$