434. Vers. 25. Et cognovit homo adhuc uxorem tuam, et peperit filium, et vocavit nomen ejus Sheth; quia reposuit mihi Deus semen aliud loco Habelis, quod occiderit illum Cain. Per 'hominem et uxorem ejus' hic intelligitur nova Ecclesia, prius per 'Adah et Zillah' significata: per 'filium ejus, cujus nomen vocavit Sheth' significatur nova fides per quam charitas: [per] quod 'reposuerit Deus semen aliud loco Habelis quod occiderit eum Cain' significatur quod charitas, quam Cain separavit, et exstinxit, nunc a Domino huic Ecclesiae donata sit.