515. De Correspondentia scortationum cum violatione Conjugii Spiritualis Hic praefaturus essem aliquid de Correspondentia, quid illa, sed hoc non hujus operis est: quid autem Correspondentia, in brevi summario videatur supra n. 76, et n. 342; ac plene in Apocalypsi Revelata a principio ad finem, quod sit inter sensum naturalem et sensum spiritualem Verbi. Quod in Verbo sit sensus naturalis et sensus spiritualis, et inter illos correspondentia, in Doctrina Novae Hierosolymae de Scriptura Sacra, et in specie, n. 5 ad 26, ibi demonstratum est.