825. Ex hoc illorum statu quisque concludere potest, quod invocationes illorum sint modo ludibria: et insuper asseverare possum, quod invocationes suas in terris non plus audiunt quam simulacra eorum juxta vias, nec plus quam parietes templi; neque plus quam aves nidificantes in turribus. Dicitur a servis illorum in mundo, quod sancti una cum Domino Jesu Christo regnent in caelo, sed hoc est figmentum et commentum; non enim plus regnant cum Domino, quam stabularius cum rege, quam janitor cum magnate, ac quam cursor cum primate: dixit enim Johannes Baptista de Domino, Quod non dignus sit solvere corrigiam calcei Ipsius (Marc. i. 7; Joh. i. 27);