823. Quoniam homo ex hereditario talis est, ideo omnes, qui per bullas papales sanctificati sunt, in mundo spirituali removentur ab oculis aliorum, et reconduntur, et aufertur illis omne commercium cum cultoribus illorum; causa est, ne radix illa malorum pessima excitetur apud illos, et in deliria phantastica, qualia sunt apud daemones, inferantur. In talia deliria veniunt illi, qui dum in mundo vivunt, {1}sancti fieri post mortem ut invocentur, studio affectant.