34. "Amen." - Quod significet confirmationem Divinam, constat ex significatione "amen," quod sit veritas, hoc enim significatur per amen in lingua Hebraea; et quia omnis veritas quae veritas est Divina, ideo "amen," cum dicitur in Verbo, significat Divinam confirmationem. Verum enim confirmat omnia, ac Divinum Verum se ipsum; et quia Dominus erat ipsum Divinum Verum, cum fuit in mundo, ideo Dominus toties dixit "Amen."