13. De Hollandis Sunt satis perspicaces, et constanter permanentes in sua religione, non recedentes nisi prorsus convincantur, et si convincuntur, usque tergum vertunt: valent judicio ex lumine rationali naturali, ex quo juste intuentur res in mundo, imprimis in negotiis; lux eorum apparet obscurior, quia spiritualis illorum lux naturali luci conjuncta est; causa est, quia jugiter cogitant de negotiatione.