9884. `Et dabis duos funiculos auri super duobus annulis': quod significet modum conjunctionis indissolubilis, constat ex significatione `funiculorum' quod sint conjunctio indissolubilis, de qua supra n. 9880, ex significatione `auri' quod sit bonum amoris, de qua etiam supra n. 9881, et ex significatione `duorum annulorum' quod sint Divina sphaera per quam conjunctio, de qua etiam supra n. 9881; modus {1}autem conjunctionis significatur per `dare illos super duobus annulis'; ex his patet quod per `dabis duos funiculos auri super duobus annulis' (x)significetur modus conjunctionis indissolubilis boni cum Divina sphaera. @1 illius$