9661. `Duae bases sub assere uno, et duae bases sub assere uno': quod significet per conjunctionem veri cum bono ubivis, constat ex significatione `duorum' quod sint conjunctio, de qua n. 1686, 3519, 5194, 8423, ex significatione `basium' quod sint verum sustentans, de qua n. 9645, et ex significatione `asseris' quod sit bonum sustentans, de qua n. 9634; quod ita omnibus et singulis, proinde ubivis, involvit repetitio, ut quoque prius aliquoties.