9333. `Non expellam illum ab ante te in anno uno': quod significet non fugam seu remotionem illorum festinam, nempe falsorum et malorum, quae per gentes in terra Canaane significantur, constat ex significatione `expellere' quod sit fuga, qui enim in malis et falsis (o)sunt in altera vita, non expelluntur sed fugiunt a se; quod (o)etiam sit remotio, videbitur infra; et ex significatione `in anno uno' quod sit festinum, nam sequitur, `parum parum expellam illum ab ante te,' per quod significatur remotio per gradus secundum ordinem. [2] Quod `expellere' cum de malis et falsis {1} praedicatur, sit remotio, est quia falsa et mala ab homine non expelluntur sed removentur; qui non scit quomodo cum liberatione hominis a malis et falsis, seu cum remissione peccatorum se habet, credit {2} quod peccata abstergantur {3} quando dicuntur remissa; quod ita credatur, est ex sensu litterali Verbi, ubi aliquoties ita dicitur; unde perplurimorum animos insedit is error quod justi et puri sint postquam absolutionem receperunt; sed illi prorsus non sciunt quomodo cum remissione peccatorum se habet, quod nempe homo non purificetur ab illis sed detineatur ab illis a Domino quando talis est ut teneri possit in bono et vero, et quod tunc teneri possit in bono et vero quando regeneratus est, nam tunc vitam boni charitatis et veri fidei adeptus est; quicquid enim homo a prima infantia cogitat, vult, loquitur, et facit, addit se ejus vitae et facit illam; illa non possunt exterminari sed modo removeri, et cum removentur, tunc apparet homo sicut absque peccatis, quia remota sunt, videatur n. 8393, (a)8988 fin., (x)9014; secundum apparentiam quod homo bonum et verum cogitet et agat ex se, cum tamen non (c)ex se sed (c)ex Domino, dictum est in Verbo quod mundus a peccatis (x)sit, et quoque {4} justus, {5} prout apud Esaiam, (o)Si fuerint peccata vestra sicut (x)coccinea, ut nix albescent; si rubra fuerint sicut purpura, ut lana erunt, i 18;