8973. {1} Vers. 2-6. Cum emeris servum Hebraeum, sex annis serviet, et in septimo exibit ad liberum gratis. Si in corpore suo venerit, in corpore suo exibit; si (x)dominus mulieris ille, et exibit mulier illius cum illo. Si (x)dominus ejus dederit ei mulierem, et pepererit ei filios aut filias, mulier et nati hujus erit domino ejus, et ille exibit in corpore suo. Et si dicendo dixerit servus, Diligo dominum meum, mulierem meam, et liberos meos, non exibo liber. Et adducet illum dominus ejus ad Deum, et adducet illum ad januam vel ad postem, et perforabit dominus ejus aurem ejus subula, et serviet illi in perpetuum. `Cum emeris servum Hebraeum' significat illos intra Ecclesiam qui in veris doctrinae et non in bono secundum illa: `sex annis serviet' significat statum laboris et alicujus pugnae, et inde {2}confirmationis veri: `et in septimo exibit ad liberum gratis' significat statum confirmati veri absque ejus opera: `si in corpore suo venerit' significat verum absque jucundo: `in corpore suo exibit' significat statum veri absque jucundo etiam post pugnam: `si dominus mulieris ille' significat verum cum adjuncto jucundo: `et exibit mulier illius cum illo' significat statum veri cum jucundo conjuncto etiam post pugnam: `si dominus ejus dederit ei mulierem' significat a spirituali adjunctum bonum vero cum in pugna: `et pepererit ei filios aut filias' significat inde vera et bona derivata: mulier et nati hujus erit domino ejus' significat quod bonum vero a spirituali adjunctum cum bonis et veris inde derivatis non vero erit appropriatum: `et ille exibit in corpore suo' significat statum post pugnam, qui est solum confirmati et implantati veri: `et si dicendo dixerit servus' significat cogitationem tunc ex vero implantato: `Diligo dominum meum, mulierem meam, et liberos meos' significat jucundum recordationis bonorum spiritualium: non exibo liber' significat jucundum oboedientiae: `et adducet illum dominus ejus ad Deum' significat statum in quem tunc intrat secundum ordinem Divinum: `et adducet illum ad januam vel ad postem' significat statum communicationis veri confirmati et implantati cum bono spirituali: `et perforabit (x)dominus' ejus aurem ejus subula' significat repraesentativum oboedientiae: `et serviet illi in perpetuum significat in aeternum. @1 See p. 312, note 6. P1 here reads: 3. Si in corpore suo venerit, significat naturalem hominem in simplici vero absque bono ante statum initiationis: in corpore suo exibit significat libertatem in eo statu: si dominus mulieris ille, significat cum bono: et exibit mulier illius cum illo, significat libertatem in tali statu. [Ecclesiae externae homo is written in m.] 4. Si dominus ejus dederit ei mulierem, significat spirituale bonum vero adjunctum: et pepererit ei filios aut filias, significat et si inde vera et bona: mulier et nati hujus erit domino ejus, significat bonum inde spirituale, et quoque vera et bona ex conjugio illo derivata: et ille exibit in corpore, significat verum in statu libertatis inde ... 5. Et si dicendo dixerit servus, sign ... agitur de illis qui in Ecclesia spirituali qui faciunt verum fidei essentiale salutis, et non bonum charitatis, seu bonum voluntatis, quod est bonum vitae: hi sunt servi Hebraei emti a dominis ibi; domini sunt qui in affectione ver et boni sunt, qui vere spirituales homines dicendi. P2 reads: 2. Cum emeris servum Hebraeum, significat illa quae in homine naturali, quae inservitura sunt illis qui in spirituali: sex annis serviet, significat status laboris et tentationis, et inde applicationis: et in septimo exibit ad liberum gratis, significat statum conjunctionis, qui est cum ex bono ducitur. 3. Si in corpore suo venerit, significat scientifica vera quae in naturali homine ante statum initiationis: in corpore suo exibit, significat quod post conjunctionem mansurum sit in naturali: si dominus mulieris ille, significat jucundum boni adjunctum: et exibit mulier illius cum illo, significat quod etiam id permansurum in naturali. 4. Si dominus ejus dederit ei mulierem, significat si spiritualis homo adjunxerit vero scientifico jucundum boni: et pepererit ei filios aut filias, significat si ex conjugio illo derivata sint vera et bona: mulier et nati hujus erit domino ejus, significat quod illa quae a spirituali homine provenerint, illius erunt: et ille exibit in corpore, significat quod reliqua erunt hominis naturalis. 5. Et si dicendo dixerit servus, significat apperceptionem naturalis: diligo dominum meum, significat jucundum serviendi spirituali: mulierem meam, et liberos meos, significat jucundum conjunctionis cum conjunctis sibi, et inde derivatis in naturali: non exibo liber, significat quod non velit spiritualis fieri. 6. Et adducet illum dominus ejus ad deum, significat quod spirituale id manifestabit coram divino: et adducet illum ad januam, seu ad postem, significat ad locum conjunctionis spiritualis et naturalis quoad verum vel quoad bonum: et perforabit dominus ejus aurem ejus subula, significat repraesentativum servitatis: et serviet illi in perpetuum, significat in aeternum.$ @2 confirmationes IT$