8953. Incolae et spiritus illius telluris referunt id in homine quod medium est inter sensum spiritualem et sensum naturalem, at recedunt a naturali et accedunt ad spiritualem. Inde est quod spiritus illi sibi videantur saepe auferri aut rapi in caelum, ac postea remitti, ita alternis; nam quicquid sensus spiritualis est, hoc in caelo est; at quicquid sensus naturalis est, hoc infra caelum est.