8830. `Descende, obtestare populum ne forte perrumpant ad Jehovam ad videndum': quod significet ne illi qui ab `Ecclesia spirituali' cupiant in caelum ubi {1}Divinum caeleste, constat ex significatione `obtestari' quod sit exhortatio, ex repraesentatione `filiorum Israelis,' qui hic `populus,' quod sint qui ab Ecclesia spirituali, de qua saepius, ex significatione `perrumpere,' nempe terminos, quod sit cupere in caelum superius, {2} et ex significatione `ad videndum Jehovam' quod sit ad percipiendum Divinum, per `Jehovam' enim in capite montis intelligitur Divinum in caelo intimo, quod vocatur caelum caeleste, n. 8827, et per `videre' intelligitur perceptio, n. 2150, 3764, 4567, 4723, 5400. @1 coelestes A, coeleste IT$ @2 i de qua n. 8794, 8795,$