84. Vers. 2, 3. Et absolvit Deus in die septimo opus Suum, quod fecit; et quievit in die septimo ab omni opere Suo, quod fecit. Et benedixit Deus diei septimo, et sanctificavit illum, quia in illo quievit ab omni opere Suo, quod creavit Deus faciendo. Homo caelestis est 'septimus dies' et quia per sex dies operatus est Dominus, dicitur 'opus Ipsius': et quia tunc cessat pugna, dicitur Dominus 'quiescere ab omni opere Suo'; quare septimus dies sanctificatus est, et dictas 'sabbatum' a quiete; et sic homo creatus est, formatus, et factus; haec a verbis manifeste perspiciuntur.