7215. `Et locutus Moscheh ita ad filios Israelis': quod significet exhortationem a lege Divina ad illos qui e regno spirituali Domini, constat ex significatione `loqui' quod sit exhortatio, nam locutus est ad illos quod mandatum ei a Jehovah; a repraesentatione `Moschis' quod sit lex Divina, de qua n. 6723, 6752; et ex repraesentatione `filiorum Israelis' quod sit regnum spirituale Domini, de qua n. 6426, 6637.