7037. `Dimitte filium Meum': quod significet ut abstineant ab infestatione {1}verorum Ecclesiae, constat ex repraesentatione `Pharaonis' quod sit falsum infestans vera Ecclesiae, de qua n. 6651, 6679, 6683, 6692; ex significatione {2}`dimitte' quod sit mandatum ut abstineant; et ex significatione `filii' quod sint qui in {3}vero et bono spirituali et adoptati, de qua mox supra n. (x)7035; inde patet quod per `dimitte filium Meum' significetur ut abstineant ab infestatione illorum qui in veris Ecclesiae. @1 contra vera$ @2 dimittere$ @3 veris Ecclesiae$