7008. `Et loquetur ille tibi ad populum': quod significet quod ille doctrina erit Ecclesiae spirituali, constat ex repraesentatione `Aharonis,' de quo dicitur quod `loquetur Moschi ad populum,' quod sit doctrina boni et veri, de qua n. 6998; ex significatione `loqui' quod sit confessio et praedicatio, de qua n. 6999; et ex repraesentatione `filiorum Israelis,' qui hic sunt `populus,' quod sint Ecclesia spiritualis, de qua n. 6426.