659. Vers. 17. Et Ego, ecce Me adducens diluvium aquarum super terram, ad perdendum omnem carnem, in qua spiritus vitarum, de sub caelis; omne quod in terra, exspirabit. Per 'diluvium' significatur inundatio mali et falsi: 'ad perdendum omnem carnem, in qua spiritus vitarum, de sub caelis' significant quod se perderet omnis posteritas Ecclesiae Antiquissimae: 'omne quod in terra, exspirabit' significat eos qui ab Ecclesia illa et tales facti sunt.