6241. `Super nomine fratrum suorum vocabuntur in hereditate sua': quod significet quod ex quali verorum et bonorum Ecclesiae erunt, et una inter illa, constat ex significatione `nominis' et `vocari nomine' quod sit quale, de qua n. 144, 145, 1754, 1896, 2009, 2724, 3006, 3421; ex repraesentatione `Ephraimi et Menashes' qui hic sunt `fratres', quod sint Ecclesiae intellectuale et voluntarium, n. 3969, 5354, (x)6222, ita verum et bonum, n. 6234; et ex significatione `in hereditate sua' quod sit una inter illa.