3859. Vers. 32. Et concepit Leah, et peperit filium, et vocavit nomen ejus Reuben, quia dixit, quod vidit Jehovah afflictionem meam, quia nunc amabit me vir meus. `Concepit Leah, et peperit filium' significat conceptionem et partum spiritualem ab externo ad internum: `et vocavit nomen ejus Reuben' significat quale ejus quod describitur: `quia dixit, quod vidit Jehovah' significat in supremo sensu praevidentiam, in interno fidem, in interiore intellectum, in externo visum, hic fidem a Domino: `afflictionem meam' significat statum perveniendi ad bonum: `quia nunc amabit me vir meus' significat quod inde bonum veri.