3071. `Et etiam camelos tuos potabo': quod significet illustrationem omnium scientificorum in naturali homine inde, constat ex significatione `camelorum' quod sint scientifica communia, ita in communi seu omnia, de qua supra n. 30 48, et a significatione `potare' quod sit illustrare; quod `haurire aquam' sit instruere, supra n. 3058 ostensum est, ita `potare' est illustrare; illustratio enim ab instructione venit.